HUYU HAPA MRITHI WA EMMANUEL AMMUNIKE

JOSEPH Omog, anatajwa kuwa Kocha Mkuu wa muda wa timu ya Taifa ya Tanzania ‘Taifa Stars’ inayotarajiwa kushiriki michuano ya CHAN.

Omog ambaye aliwahi kuvinoa vikosi vya Azam na Simba kwa nyakati tofauti anatajwa kurithi kwa muda mikoba ya Emmanuel Ammunike.

Ammunike amefikia makubaliano ya kuvunja mkataba wake na Shirikisho la Soka Tanzania, TFF, kutokana na kuwa na mwenendo mbovu na timu ya Taifa ambayo imeishia hatua ya makundi kwenye michuano ya Afcon inayoendelelea nchini Misri.