Real Madrid Yakubali Kutoa €140M Kumsajili Yan Diomande Wa RB Leipzig

MADRID, HISPANIA – Miamba ya soka nchini Hispania, Real Madrid, imefikia makubaliano ya kumsajili winga machachari wa RB Leipzig, Yan Diomande, katika dili la kufuru linalokadiriwa kufikia euro milioni 140 (takribani Pauni milioni 120), kufuatia mazungumzo ya muda mrefu kati ya klabu hizo mbili.

Nyota huyo wa kimataifa wa Ivory Coast mwenye umri wa miaka 19 anatarajiwa kuwa mmoja wa wachezaji watakaovuta hisia za wengi katika dirisha hili la usajili. Ada hiyo kubwa itamfanya kuingia kwenye orodha ya wachezaji ghali zaidi kuwahi kusajiliwa katika historia ya Real Madrid.

Diomande amekuwa kwenye rada za mabingwa hao wa Ulaya kufuatia kiwango chake cha kuvutia akiwa na RB Leipzig, ambapo ameonyesta uwezo mkubwa wa:

• Kasi ya hatari akitokea pembeni

• Ubunifu wa kutengeneza nafasi za mabao

• Uwezo mkubwa wa kufunga mabao muhimu

Kukamilika kwa dili hili kutaiongezea Real Madrid nguvu kubwa katika safu yake ya ushambuliaji, huku klabu hiyo ikiendeleza mkakati wake wa kukusanya vipaji bora zaidi duniani kwa ajili ya kujenga kikosi imara cha muda mrefu.

Liverpool na Aston Villa Nazo Zimo Kwenye Windo

Wakati Real Madrid ikimalizana na Diomande, miamba ya Uingereza nayo haijakaa kimya:

• Liverpool: Inaendelea kufuatilia kwa karibu uwezekano wa kumsajili mshambuliaji kijana Ibrahim Mbaye.

• Aston Villa: Inaripotiwa kufikia makubaliano ya kumsajili beki wa kushoto Matteo Ruggeri ili kuimarisha kikosi chao kabla ya msimu mpya kuanza.