BONDIA wa ngumi za kulipwa hapa nchini na bingwa wa Afrika Mashariki na Kati uzito wa kati, Mfaume Ahmad Said ‘Mfaume Mfaume’ yupo kwenye maandalizi makali ya pambano lake litakalopigwa Februari 27, mwaka huu.
Pambano hilo ni la kwanza kwa Mfaume ndani ya mwaka huu, huku akiwa na kumbukumbu nzuri ya kumchakaza Mmalawi, Chikondi Makawa Desemba 27, mwaka jana pambano lililopigwa kwenye ukumbi wa Next Door Masaki jijini Dar es Salaam.
Akizungumzia maandalizi yake, Mfaume amesema: “Kwa sasa najifua vikali kwa ajili ya pambano langu nitakalopigana Feruari 27, mwaka huu, niko vizuri na nataka kuona naendeleza rekodi ya kushinda,”
