Wakati Yanga ikijaanda kutangaza ubingwa kesho Juni 15 kama itaifunga Coasta Union kwa Mkapa, timu hiyo itawakosa nyota wao watatu
Kocha mkuu wa Yanga, Nasreddine Nabi aliwataja mastaa hao ni Kibwana Shomari, Djigui Diarra pamoja na nahodha wao Bakari Mwamnyeto.
Nabi alisema mechi hiyo itakuwa ngumu kutokana na umuhimu wake; “Umuhimu wa kupata ushindi kwenye mchezo huo ndio unaleta ugumu wa mechi hii na ndio maana benchi la ufundi tumekaa na wachezaji kuwaandaa kisaikolojia ili waweze kuwa na utulivu na kufanya maamuzi yaliyo sahihi pamoja na kupunguza presha” alisema na kuendelea kuwa;
“Tunawajua Coastal Union ni timu nzuri hivyo umakini utakuwa mkubwa pamoja na nidhamu ya mchezo ili kuhakikisha tunatangaza ubingwa mapema hivyo mashabiki wetu waje kwa wingi kuishangilia timu tao na kuipa sapoti kama ilivyo kawaida yao.” alisema Nabi
Nabi alizungumzia kuhusiana na vita ya ufungaji ambapo tayari mshambuliaji wake Fiston Mayele ameshapitwa bao moja na George Mpole aliyefikisha mabao 15 hiyo jana.
“Kesho tunahitaji kucheza kitimu zaidi kuliko kuangalia nani afunge hata kipa wetu akipata nafasi ya kufunga basi afunge kwani lengo kubwa ni timu iwenze kuondoka na pointi tatu lakini kama akipata nafasi ya kufunga basi atafunga maana ndio kazi yake” alisema kocha Nabi
