Simba Queens ipo katika mazungumzo na beki wa kati wa Yanga Princess, Noela Luhala anayemaliza mkataba wake na klabu hiyo mwishoni mwa msimu huu.
Simba inamuhitaji beki huyo kwa makubaliano maalumu ya kumuazima kwa ajili ya kuwasaidia kwenye michuano ya kimataifa ambayo kama Simba itachukua ubingwa wa Ligi Kuu ya wanawake illi awasaidie eneo la ulinzi.
Klabu hiyo ya wanawke ya Simba inafanya vizuri sana kwenye Ligi ya wanawake, na wana nafasi kubwa ya kutwaa ubingwa, na kupata nafasi ya kucheza ligi ya mabingwa Afrika.
Msimu uliopita timu ya wanawake ya JKT Tanzania, waliiwakilisha nchini kwenye michuano hiyo ambayo, hawakuwa na safari nzuri sana kwani ndiyo ilikuwa mwanzo wao kufanya hivyo.
Simba Queens imewahi kufanya hivyo na MSIMU wa 2022/23 ambapo walifika hadi hatua ya nusu fainali, lakini safari yao ya kutafuta ubingwa wa kwanza wa Ligi ya Mabingwa ilisitishwa na Mamelodi Sundowns, ambapo Simba ilipoteza mchezo kwa bao 1-0.
Kwa sasa klabu hiyo inhitaji alama moja tu ili kutangazwa mabingwa wapya wa Ligi hiyo, huku mchezo wao unaofuata watakipiga na Alliance Girls FC ya Jijini Mwanza, mchezo unapigwa Juni 7 katika dimba la Nyamagana. Ikiwa imesalia mechi 3, za mwezi wa Juni na endapi itashinda mchezo huo unaofuata basi hakuna timu itakayoweza kuwafikisha alama walizonazo.
