AUCHO ATUPO DONGO…KISA TUZO ZA TFF

Baada ya kukosekana katika kinyang’anyiro cha Kiungo Bora, kiungo wa Yanga SC Khalid Aucho ni kama ametema nyongo kwa kuandika ujumbe katika ukurasa wake.

Shirikisho la Mpira Tanzania (TFF) jana lilitoa orodha ya wachezaji wanaowania tuzo mbalimbali, lakini hakukuwa na jina la Aucho katika nafasi ya kiungo.

Aucho ameandika “ Hakuna tuzo bora kuliko upendo wako na msaada. Mashabiki wangu wapendwa asanteni kila mara kwa kuniunga mkono tangu siku ya kwanza. Asante sana”

Tuzo hizo zitatolewa Agosti 1, katika Ukumbi wa Super Dome Masaki, siku mbili kabla ya Tamasha la Simba na Wiki ya Wananchi.

Wanaowania tuzo ya mchezaji bora wa NBC Premier League ni hawa hapa:-
1. Stephane Aziz Ki,
2. Feisal Salum,
3. Kipre Jr.
4. Djigui Diarra,
5. Ley Matampi,
6. Yao Kouassi
7. Ibrahim Bacca,
8. Mohamed Hussein ‘Zimbwe Jr.’.

Walinda Mlango Wanaowani tuzo ya golikipa bora wa NBC Premier League ni hawa hapa:-
1. Ayoub Lakred
2. Djigui Diarra
3. Ley Matampi

Mabeki Wanaowania tuzo ya beki bora wa NBC Premier League ni hawa hapa:-
1. Yao Kouassi
2. Ibrahim Bacca
3. Mohamed Hussein ‘Zimbwe Jr.’

Wachezaji 3 Wanaowania tuzo ya kiungo bora wa NBC Premier League
1. Stephane Aziz Ki
2. Feisal Salum
3. Kipre Junior

Makocha Wanaowania tuzo ya kocha bora wa NBC Premier League ni hawa hapa:-
1. David Ouma,
2. Bruno Ferry,
3. Miguel Gamondi.

Huenda Stephen Aziz Akatwaa tuzo zaidi ya moja baada ya tuzo yake ya Mfungaji bora wa Ligi Kuu ya NBC, kuwa haina mpinzani.

Mbali na hayo Mchezaji  wa Azam FC Feisal Salum Feitoto anatupiwa jicho la ziada katika tuzo za msimu huu,  kwani alikuwa na msimu bora sana, akimaliza kama kinara wa ufungaji katika klabu ya Azam FC, na nyuma ya Aziz Ki kwa mabao 19.