AZAM, COASTAL WAPANGA KUVURUGA WAKUBWA KARIAKOO

NJIA kuelekea fainali ya Kombe la Shirikisho la CRDB 2026 sasa imeingia hatua ya moto zaidi, baada ya Shirikisho la Mpira wa Miguu Tanzania (Shirikisho la Mpira wa Miguu Tanzania (TFF) kutangaza rasmi ratiba ya michezo ya nusu fainali inayotarajiwa kuleta ushindani mkali katika mikoa ya Arusha na Mwanza.

Mchezo wa kwanza wa nusu fainali utawakutanisha vigogo wa soka la Tanzania, Simba SC dhidi ya Coastal Union, katika pambano litakalopigwa Juni 20, 2026 kwenye Uwanja wa Sheikh Amri Abeid Stadium jijini Arusha.

Simba SC wataingia uwanjani wakiwa na presha ya kutetea heshima yao kama moja ya timu zenye historia kubwa kwenye mashindano ya ndani, huku Coastal Union wao wakinufaika na nafasi ya kucheza mkoani, wakilenga kuonyesha kuwa hawapo kwenye hatua hii kwa bahati bali kwa ubora.

Siku moja baadaye, Juni 21, 2026, mashabiki wote watageukia Uwanja wa CCM Kirumba, ambako kutapigwa mchezo mwingine mkubwa wa nusu fainali kati ya Yanga SC dhidi ya Azam FC, pambano linalosubiriwa kwa hamu kubwa na mashabiki wa soka nchini.

Hii inajulikana kama “Dar es Salaam Derby toleo la mashindano”, kutokana na ukubwa wa upinzani kati ya Yanga SC na Azam FC, timu zote zikiwa na malengo ya wazi ya kufika fainali na hatimaye kutwaa taji hilo muhimu la CRDB.

Uamuzi wa kupeleka michezo hii mikubwa mikoani unatajwa kama hatua ya makusudi ya kusogeza burudani ya soka karibu na mashabiki wa maeneo mbalimbali nchini, huku pia ukiongeza ladha na msisimko wa mashindano hayo ya msimu wa 2026.

Kwa sasa, macho na mioyo ya mashabiki wa Simba, Yanga, Azam na Coastal Union imeelekezwa kwenye tarehe hizo mbili muhimu, Juni 20 na 21, ambazo zinatarajiwa kuandika ukurasa mpya wa historia ya soka la Tanzania.