Alichosema Mke wa Harry Maguire Baada ya Kuachwa Kombe la Dunia 2026
Alichosema Mke wa Harry Maguire Baada ya Kuachwa Kikosi cha Kombe la Dunia 2026
BAADA ya beki nguli wa Manchester United, Harry Maguire, kuachwa rasmi katika kikosi cha timu ya taifa ya England kilichoelekea kwenye michuano ya Kombe la Dunia 2026, hasira na simanzi hazikuwakuta mashabiki pekee, bali hata ndani ya familia yake.
Kocha wa England, Thomas Tuchel, alimweka kando mchezaji huyo, jambo ambalo lilimuuma sana mke wake, Fern Hawkins, ambaye hakusita kuonyesha hisia zake za wazi kupitia mitandao ya kijamii akitetea mume wake.
Fern, ambaye amekuwa kwenye uhusiano na Maguire kwa takribani miaka 15 tangu wakiwa vijana huko Sheffield, aliamini kuwa uwezo na mchango wa mume wake ulitosha kumpa nafasi ya kucheza michuano hiyo mikubwa iliyofanyika Marekani, Canada na Mexico.
“Nimevunjika moyo sana kwa ajili yako, hakuna jambo lingine ambalo ungeweza kulifanya ili kuthibitisha ubora wako. Sina haja ya kukuambia jinsi unavyoheshimiwa, ila ni aibu kwamba ulikuwa unashindana na mtazamo wa mtu mmoja (Thomas Tuchel),” alisema Fern.
Safari Ndefu ya Upendo na Ushirikiano
Kauli ya Fern inadhihirisha msimamo thabiti aliouonyesha kwa mumewe katika kila hatua ya maisha yake ya soka, muda mrefu hata kabla Maguire hajasajiliwa na klabu kubwa ya Manchester United. Katika ulimwengu wa soka ambapo wachezaji hupitia misukosuko na nyakati ngumu uwanjani, Fern amekuwa ngao na nguzo kuu ya kusimama naye hadi mambo yanapooka sawa.
Wawili hao walikutana na kuanza uhusiano wao Juni 2011, wakapishana kwenye uchumba wa kifahari uliotokea Februari 2018 mjini Paris, Ufaransa, na hatimaye kufunga ndoa ya kifahari mwaka 2022 iliyohudhuriwa na mastaa kama Jack Grealish na Jordan Pickford. Hadi sasa, wamejaliwa kupata watoto wawili wa kike, Lillie Saint na Piper Rose.
Maisha Nje ya Soka na Biashara
Mbali na kuwa mke wa staa na mama wa watoto wawili, Fern ni msomi mwenye shahada ya tiba ya viungo (Physiotherapy) aliyoihitimu mwaka 2017. Hata hivyo, kwa sasa amejikita zaidi katika ujasiriamali, ambapo alianzisha biashara ya maua ya Saint Rose—jina lililochukuliwa kutokana na majina ya watoto wao—ambayo huhudumia sherehe na harusi mbalimbali za mastaa.
Familia hiyo kwa sasa inaishi katika jumba la kifahari lenye thamani ya Pauni milioni 4 (zaidi ya Sh14 bilioni) huko Cheshire, eneo ambalo limekuwa makazi ya mastaa mbalimbali wa soka nchini England.
Licha ya kukosa tiketi ya kwenda Kombe la Dunia 2026 chini ya Thomas Tuchel, hakuna shaka kuwa msaada mkubwa kutoka kwa Fern na familia yake utaendelea kumpa nguvu Harry Maguire kuendelea kupambana katika soka la ushindani.
