THOBIAS Kifaru, Ofisa Habari wa Mtibwa Sugar amesema kuwa kichapo kwa Simba ni halali yao kwani wanawatambua vema hivyo hawatawasumbua kwenye mchezo wao wa kesho unaootarajiwa kupigwa Uwanja wa Jamhuri.
Mtibwa Sugar ambao ni mabingwa wa Kombe la Mapinduzi walilolitwaa kwa ushindi wa bao 1-0 mbele ya Simba watavaana nao kesho wakiwa na kumbukumbu ya kupoteza mchezo wao uliopita mbele ya Lipuli kwa kufungwa bao 1-0.
Akizungumza na Saleh Jembe, Kifaru amesema kuwa miongoni mwa timu ambazo huwa haziwapi presha ni Simba kutokana na mbinu zao kuwa mikononi mwa Mtibwa hivyo watachapwa na pointi tatu wataacha Morogoro.
“Sisi huku kwetu huwa tunatimu zetu ambazo tunazihofia, mfano Ruvu Shooting wao wana kocha ambaye anaijua vema mifumo yetu na alicheza hapa yule Salum Mayanga sasa ile ni lazima tuihofie ila hawa Simba hawatupi presha.
“Hatujawa na matokeo mazuri kwenye mechi zetu za hivi karibuni, kocha wetu Zuber Katwila hilo ameliona na analifanyia kazi, Simba wasifikiri watalipa kisasi cha Mapinduzi hiyo ni historia wanachapwa na pointi tatu wanaacha,” amesema Kifaru
