ZAWAD Mauya, kiungo wa Yanga amesema kuwa walikuwa na jamboao ambalo walipanga muda mrefu wanafurahi kuona limetimia.
Nyota huyo jana, Julai 3 aliibuka shujaa baada ya kupachika bao pekee la ushindi mbele ya watani wa jadi, Simba.
Wakati ubao wa Uwanja wa Mkapa ukisoma Simba 0-1 Yanga, zawadi hiyo kwa mashabiki ilipatikana dk ya 12 kutoka kwa mguu wa Mauya.
Mauya amesema:”Tulikuwa tuna jambo letu ambalo tulipanga tangu awali kulifanya na jambo lenyewe ilikuwa ni ushindi.
“Kwa kilichotokea kwetu ni furaha na tunaamini kwamba mashabiki wamepata kile ambacho walikuwa wanastahili, ” amesema.
Ushindi huo unaifanya Yanga kufikisha pointi 70 nafasi ya pili huku Simba ikiwa nafasi ya kwanza na pointi 73.
