Haji Manara, Mwanamichezo kutoka nchini Tanzania amesema mwekezaji na Rais wa Heshima katika klabu ya Simba Mohamed Dewji hana shida, “Watu ndiyo wanashida”.
Manara ambaye ni Afisa Habari wa zamani wa Simba na kwa sasa anashikilia nafasi ya Uhamasishaji katika klabu ya Yanga ingawa anatumikia adhabu ya kufungiwa na shirikisho la mpira wa miguu Tanzania TFF amesema hayo wakati akizungumza kwenye mahojiano na redio Clouds TV.
Manara akieleza swali la kama bado hana mahusiano mazuri na Rais wa Heshima wa Simba ‘MO’, Buggati ameeleza kuwa Dewji hakuwa na shida, shida ilianza baada ya kuanza kupewa maneno ya uongo juu ya umaarufu wake.
“Mwanzo alikuwa anaambiwa kwa nini Manara anakushinda umaarufu? Akawa ananiambia kuwa watu wanakusema hivyo. Baadaye maneno nadhani yakamzidi mpaka chuki ikaingia kwake, lakini mimi naamini hakuwa na shida isipokuwa waliokuwa wanampa maneno ya uchonganishi “, aliiambia Clouds TV kwenye kipindi cha Jahazi, Feb 9, 2023.
Manara na MO, Barbara Gonzalez na Simba waliingia kwenye sintofahamu mwaka mmoja na nusu uliopita kutokana na Haji Manara kutuhumiwa kuwa anaisaliti Simba kwa kwenda Avic, kambini kwa klabu ya Yanga kuvujisha siri za klabu yao.
Tuhuma ambazo Haji Manara alizikanusha ambapo hata alipoulizwa kwenye kipindi hicho ameeleza kuwa ulikuwa ni unafiki wa chuki ya mafanikio, “ingewezekana vipi mimi kuihujumu klabu yangu [Simba].
Manara baada ya kutoka Simba alifanikiwa kupata nafasi ya Uhamasishaji ndani ya klabu ya Yanga ambapo alihudumu kwa muda mfupi kabla ya kukutana na kifungo cha TFF kufuatia kile kinachotajwa kuwa ni kuituhumu TFF kuwa inaihujumu Yanga na kuingia kwenye mgogoro na Rais wa shirikisho la TFF Wallace Karia.
Manara aache uongo uchawa una mwisho