KOCHA TAIFA STARS ALA SHAVU LA UKOCHA MKUU TIMU YA TAIFA YA NIGERIA….

Kocha wa zamani wa timu ya Taifa ya Tanzania Emmanuel Amunike ameteuliwa kuwa Kocha Mkuu wa timu ya Taifa ya Nigeria.

Amunike anakwenda kuchukua nafasi ya mkufunzi José Peseiro ambaye aling’oka kwenye kiti hicho baada ya kumalizika kwa michuano ya AFCON 2023 nchini Ivory Coast.

Kabla ya kuwa kocha, aliwahi kukipiga katika timu za Barcelona, Zamalek na Sporting Lisbon na kuiwezesha timu ya taifa ya Nigeria U17 kubeba kombe la Dunia.

Akiwa na Taifa Stars, Amunike aliisaidia Tanzania kufuzu kwa mara ya pili michuano ya AFCON nchini Misri mwaka 2019, ambapo katika michuano hiyo Tanzania iliambulia point 1 tu.

Aidha Amunike atakumbukwa na Watanzania kwa kuibua vipaji mbalimbali ambavyo hivi sasa vinatamba kwenye klabu za ligi kuu na nnje ya nchi.

Amunike pia atakumbukwa na watanzania kwa kusema kuwa Nyota wa Azam FC kwa sasa zamani akiichezea Yanga, Fei Toto anauwezo wa kusajiliwa na kuanza kwenye kikosi cha kwanza cha Barcelona.