HENOCK INONGA AHITAJIKA FASTA UFARANSA…SIMBA WANASEMAJE?

BEKI wa kati wa Simba, Henock Inonga ambaye awali alikuwa anatajwa kutua FAR Rabat ya Morocco huenda dili hilo likafa baada ya klabu ya FC Metz inayoshiriki Ligi 2 ya Ufaransa kuingilia kati na kumtaka.

Inaelezwa kuwa, dili la beki huyo kutoka DR Congo kwenda FAR Rabat limeota mbawa baada ya aliyekuwa kocha wa timu hiyo, Nasreddine Nabia aliyekuwa anamhitaji anajiandaa kutua Kaizer Chiefs ya Afrika Kusini.

Inonga ambaye hajatumika katika mechi kadhaa za mwishoni mwa msimu kwa kilichoelezwa kuwa majeruhi, japo taarifa nyingine zinasema ni ‘mgomo’ baridi aliokuwanao kutokana na kutuhumiwa tangu pambano la Dabi ya Kariakoo ambapo Simba ilichapwa 5-1 na ziliporudiana ikafungwa tena 2-1, huku beki huyo akitumika kwa muda mchache na kutoka akionekana kuumia kabla ya Simba kufungwa bao la kwanza.

Baada ya hapo Inonga hakuwahi kuoenekana tena akicheza mechi yeyote ya Simba hadi msimu ulipomalizika.

Nafasi yake ilichukuliwa na mzawa Kennedy Juma ambaye huonesa jambo na uwezo anapopewa nafasi ya kucheza, lakini hata yeye anahusishwa zaidi na Coasta Union ya Tanga ambayo inajiandaa kucheza michuano ya kombe la shirikisho la Afrika.