Home Habari za michezo AIYAWATT, MTOTO WA TAJIRI SRIVADDHANAPRABHA ALIYEIFERISHA LEICESTER CITY

AIYAWATT, MTOTO WA TAJIRI SRIVADDHANAPRABHA ALIYEIFERISHA LEICESTER CITY

By
Vardo
-
0

BANGKOK, THAILAND: MIONGONI mwa habari kubwa katika michezo kwa wiki iliyopita ilikuwa ni kushuka daraja kwa Leicester City iliyokwenda League one ambayo ni sawa na Ligi Daraja la pili.

Timu hiyo inayomilikiwa na familia ya Srivaddhanaprabha imekuwa na panda shuka nyingi tangu kufariki dunia kwa aliyekuwa mwenyekiti na mwanzilishi wa Kampuni ya King Power, Vichai Srivaddhanaprabha.

Kwa sasa majukumu yapo kwa mtoto wake na aitwaye, Aiyawatt ambaye kwa kiasi kikubwa anaonekana amefeli kufuata nyayo za baba yake na kuifikisha klabu hiyo katika nchi ya ahadi.

Leo tunautazama utajiri wa familia hii ya Srivaddhanaprabha, biashara inazofanya na pesa wanazoingiza wakiwa miongoni mwa familia matajiri zaidi Bara la Asia.

WANAPIGAJE PESA

Kiujumla familia yake ina utajiri unaokadiriwa kufikia Dola 3 bilioni. Kwa sasa ni miongoni mwa familia 50 kubwa zaidi nchini Thailand.

Kwa kiasi kikubwa utajiri wa Aiyawatt unatokana na biashara ya Kampuni ya King Power ambayo inamiliki maduka makubwa Thailand na baadhi ya nchi jirani Asia. Kijumla duka hilo linadaiwa kuingikiza takribani Dola 3 bilioni kila mwaka kutokana na mauzo.

Kampuni hiyo pia inamiliki viwanda vya kutengeneza Pafyumu, pombe na nguo.

Kampuni hiyo pia ina hoteli za kifahari Asia na Ulaya, pia ina majengo makubwa ambayo yamekuwa yakitumika kufanyia biashara.

Wakati fulani, Leicester City pia ilikuwa sehemu ya faida ama mapato ya kibiashara. Hata hivyo, tangu ianze kufanya vibaya klabu hiyo haitengenezi faida kubwa kama ilivyokuwa hapo awali.

Aiyawatt yeye ndio mrithi mkuu, anasimamia sehemu kubwa ya mali hizi tangu kufariki dunia kwa baba yake.

MIJENGO NA MALI

Aiyawatt na familia yake wanamiliki mijengo mikubwa huko Bangkok yenye thamani ya zaidi ya Dola 20 milioni.

Ukiondoa nyumba ambayo yeye na familia yake wanaishi, pia wana mijengo mingine ya kifahari katika nchi kadhaa Asia.

Ndani ya mjengo huo wa Bangkok, mbali ya kuwepo kwa urembo wa kila aina pia kuna ukumbi maalum kwa ajili ya mikutano ya kimataifa.

NDINGA

Rolls-Royce Phantom – Dola 500,000,

Bentley Bentayga – Dola 250,000,

Mercedes-Maybach S-Class – Dola 200,000

Range Rover Autobiography – Dola 150,000.

MSAADA KWA JAMII

Kutokana na King Power Foundation, familia hiyo imewekeza mamilioni ya Dola katika kusaidia elimu ya vijana Thailand, huduma za afya, misaada wakati wa maafa na jamii maskini.

Kila mwaka, familia hiyo imekuwa ikitoa takribani Dola 20 milioni kwa ajili ya misaada tu.

FAMILIA, URITHI WA UTAJIRI

Aiyawatt yupo kwenye ndoa na mrembo Nuntisa Tanyongvetch tangu Jnauari mwaka 2024. Kiasili jamaa anaripotiwa kuwa ni mkimya sana tofauti na ilivyokuwa kwa baba yake ambaye alikuwa ni mtu mcheshi muda wote.

Kwa sasa yeye ndio injini ya familia na muda mwingi amekuwa akitokea uwanjani kutazama mechi za Leicester City.

RELATED ARTICLESMORE FROM AUTHOR