Pigo Kubwa Simba SC: Nickson Kibabage Nje Wiki 4, Akosa Mechi Zote Hizi Za Moto!

Klabu ya Simba SC imepata pigo zito katika safu yake ya ulinzi baada ya beki wa kushoto, Nickson Kibabage, kuthibitika kuwa nje ya uwanja kwa kipindi cha kati ya wiki tatu hadi nne kutokana na majeraha aliyoyapata.

Taarifa hizi zimeibuka kupitia chapisho la mwanahabari wa michezo, mickyjnrofficial, kupitia mtandao wa Instagram, likieleza kuwa beki huyo atalazimika kukaa nje kwa muda huo ili kupata matibabu na kuuguza jeraha lake.

Changamoto Kwa Kocha Steve Barker

Kibabage amekuwa mchezaji muhimu kwenye mipango ya benchi la ufundi msimu hii. Kuumia kwake kunamweka kocha mkuu Steve Barker kwenye wakati mgumu wa kusuka tena safu yake ya ulinzi, hasa katika kipindi hiki ambacho timu inaingia kwenye ratiba ngumu yenye presha kubwa.

Kukosa Kampeni za Ligi ya Mabingwa Afrika

Majeruhi haya yanakuja wakati mbaya zaidi ambapo Simba SC inajiandaa kuanza kampeni zake za Ligi ya Mabingwa Afrika (CAF Champions League) zinazotarajiwa kutimua vumbi mwezi Septemba. Hii ina maana kuwa benchi la ufundi italazimika kutafuta mbadala wa haraka wa kuziba pengo hilo kabla ya mechi hizo za kimataifa.

Kibabage anatarajiwa kuendelea na programu ya matibabu chini ya madaktari wa timu hiyo kabla ya kuanza mazoezi mepesi ya kurejea uwanjani kuwania namba kwenye kikosi cha kwanza.