Yanga Yaanza Mipango Ya Kumfanya Selemani Mwalimu Kuwa Mali Yao Jumla
Klabu ya Young Africans (Yanga SC) imeanza rasmi mchakato wa kuhakikisha inamweka mikononi mwake mshambuliaji mwenye kiwango cha juu, Selemani Mwalimu, kwa mkataba wa kudumu. Hatua hii inakuja baada ya uongozi wa timu hiyo kuvutiwa mno na mchango wake tangu alipojiunga akitokea miamba ya soka nchini Morocco, Wydad Casablanca, kwa mkataba wa mkopo.
Mwalimu amekuwa mchezaji muhimu sana katika safu ya ushambuliaji na mfumo wa benchi la fundi la Yanga. Uwezo wake wa kupambana, kufunga na kutengeneza nafasi umeifanya klabu hiyo kuona haja ya haraka ya kumpa mkataba wa muda mrefu badala ya kusubiri kumpoteza pindi kipindi chake cha mkopo kitakapomalizika.
Mazungumzo ya Awali Na Mchezaji Taarifa za ndani kutoka ndani ya Klabu ya Yanga zinaeleza kuwa viongozi tayari wamefanya mazungumzo ya awali na mchezaji huyo ili kumshawishi asalie mitaa ya Twiga na Jangwani. Mwalimu mwenyewe anaonyesha kufurahishwa na mazingira ya timu pamoja na fursa anazopata uwanjani.
Kibarua Kitachofuata: Kuishawishi Wydad AC Licha ya kufikia muafaka wa awali na mchezaji, Yanga inakabiliwa na kibarua cha kukaa meza moja na mabosi wa Wydad Casablanca ambao ndio wamiliki halali wa mkataba wake. Klabu hizo mbili ziko katika maandalizi ya kuanza mazungumzo rasmi ya ada ya usajili na masharti ili kukamilisha uhamisho huo wa kudumu.
Iwapo makubaliano hayo yatakamilika salama, Mwalimu atakuwa sehemu ya mradi wa muda mrefu wa Yanga katika kuimarisha kikosi chao kinachoshiriki mashindano ya ndani na yale ya Kimataifa. Mashabiki wa Yanga kwa sasa wanasubiri kwa hamu kuona kama mabosi wao watafanikisha dili hili muhimu.
