Hussein Kazi Azungumzia Ushindani Singida Black Stars na Mipango Yake

Beki wa kati wa Singida Black Stars, Hussein Kazi, ameweka wazi kuwa ushindani mkali wa namba uliopo ndani ya kikosi hicho unampa chachu na nguvu mpya ya kujituma zaidi ili kuhakikisha anapata nafasi kwenye timu ya kwanza.

Kazi, ambaye msimu uliopita wa 2025/26 akiwa na Namungo FC (akitokea Simba SC) aliweka rekodi ya kucheza dakika nyingi zaidi (dakika 2,700), amebainisha kuwa kiwango hicho ndicho anachotaka kukiendeleza ndani ya Singida Black Stars kwenye msimu huu wa 2026/27.

Tangu ajiunge na miamba hiyo ya Singida, Kazi tayari amefanikiwa kucheza mchezo wa Kombe la Shirikisho Barani Afrika (CAF) dhidi ya Al Ghazala ya Sudan Kusini uliopigwa Juni 9, 2026—mchezo ambao Singida Black Stars waliondoka na ushindi mnono wa mabao 7-1. Hata hivyo, bado hajapata nafasi ya kuanza kwenye mechi za Ligi Kuu ya ndani.

Ushindani wa Namba Ndani ya Singida Black Stars

Akizungumzia hali ya namba kwenye safu ya ulinzi, Kazi alisema:

“Hii ni timu mpya na tayari kuna mabeki wazuri waliyoonyesha kiwango cha juu. Hiyo kwangu naichukua kama chalenji nzuri ya kupambana ili kuhakikisha naendeleza kiwango changu kwa ubora wa juu.”

“Nafasi ninayocheza kuna mabeki wazuri kama Abdulmalik Zakaria, Kennedy Juma pamoja na Benjamin Tanimu. Hawa wote ni chalenji nzuri kwangu ili nisibweteke na niendelee kujituma mazoezini.”

Uzoefu Wa Kupambania Namba

Kazi aliongeza kuwa suala la ushindani siyo geni kwake, akitolea mfano kipindi yupo Simba SC ambapo alipambana na beki Abdulrazack Hamza kabla hajapata majeraha.

“Mchezaji yeyote anayetaka kufika mbali hawezi kuogopa ushindani, kwani ushindani ndio unaokujenga kuwa bora zaidi. Ndio maana nafurahia changamoto hii niliyokutana nayo hapa Singida Black Stars,” alitimiza Kazi.