Azam Ina Siku Tano Za Kujibu Kipigo Cha Simba, Coastal Union Inasubiri Mkwakwani
Azam FC imeingia kwenye wiki muhimu ambayo inaweza kutoa picha ya namna timu hiyo ilivyotumia mapumziko ya kimataifa kujirekebisha baada ya kufungwa 2-0 na Simba kwenye mchezo wake wa mwisho wa ligi.
Mchezo unaofuata ni dhidi ya Coastal Union Oktoba 8 kwenye Uwanja wa Mkwakwani, kabla ya akili kuhamia kwenye ratiba ya CAF dhidi ya ZED FC ya Misri. Kwa Florent Ibenge, huu ni mwezi ambao kila mchezo una uzito wake.
Ibenge Hataki Kosa Lile Lile
Dhidi ya Simba, Azam ilisimama vizuri kipindi cha kwanza na kwenda mapumziko 0-0. Tatizo lilikuja baada ya mapumziko, ambapo Simba ilitumia nafasi zake na kupata mabao mawili yaliyobadilisha kabisa mchezo.
Hilo ndilo eneo ambalo Ibenge amekuwa na muda wa kulifanyia kazi. Azam inaweza kumiliki mpira na kuzungusha vizuri, lakini dhidi ya timu zinazotumia nafasi chache, concentration ndiyo inabeba mchezo.
Coastal Ina Form Ya Kupewa Heshima
Coastal Union pia haijaingia kwenye mchezo huu ikiwa hoi. Wagosi wa Kaya walipata ushindi wa 2-1 dhidi ya Polisi Tanzania na pia kuifunga JKT Tanzania 2-1 kabla ya mapumziko.
Kwa hiyo Azam haiendi Mkwakwani kukutana na timu inayosubiri tu kufungwa. Coastal ina confidence, ina uwanja wake na inajua pressure kubwa zaidi itakuwa upande wa Azam.
CAF Nayo Ipo Karibu
Baada ya Coastal, Azam haitakuwa na muda mwingi wa kupumua kwa sababu ZED FC inasubiri kwenye CAF Confederation Cup. Hapo Ibenge atalazimika kutumia kikosi chake kwa akili ili asichome wachezaji muhimu mapema.
Ratiba hii inahitaji depth, rotation na maamuzi sahihi. Timu inayotaka kushindana ndani na Afrika haiwezi kuishi na wachezaji 11 pekee.
Azam Inahitaji Reaction
Kipigo kimoja dhidi ya Simba hakiwezi kuvunja msimu, lakini Azam haiwezi kukaa muda mrefu bila reaction ikiwa kweli inataka kuendelea kubaki karibu na Simba na Yanga kwenye mbio za juu.
Oktoba 8 ndiyo nafasi ya kwanza. Mkwakwani, Coastal Union, halafu Afrika. Ikishinda, Azam itaingia CAF ikiwa na hewa nzuri. Ikiteleza tena, presha itaanza kuongezeka Chamazi.
Soma Hapa: Azam Inaingia Oktoba Ya Maamuzi, Coastal Union Na ZED FC Wamekaa Njiani
