Coastal Union vs Pamba Jiji
Michezo

Kocha Coastal Union Fikiri Elias Atoboa Siri ya Kuiangamiza Pamba Jiji

Vardo November 19, 2026 4:14 pm

KOCHA Mkuu wa Coastal Union, Fikiri Elias, ameweka wazi mkakati wake mpya wa kuhakikisha kikosi chake kinafuta rekodi mbaya ya kuruhusu mabao katika kila mchezo wa Ligi Kuu, huku akiahidi kutumia kila nafasi watakayotengeneza kupata ushindi.

Coastal Union, maarufu kama ‘Wagosi wa Kaya’, walikuwa na msimu bora uliopita wakimaliza katika nafasi ya nane wakiwa na pointi 36, sambamba na kutinga hatua ya nusu fainali ya Kombe la Shirikisho (CRDB) kabla ya kutolewa na Simba SC kwa kipigo cha mabao 4-0.

Hata hivyo, msimu huu mambo yamekuwa magumu kiasi ambapo hadi sasa wamecheza michezo 11, wakikusanya pointi 14 na kushika nafasi ya 11 kwenye msimamo wa ligi. Novemba 21, kikosi hicho kitashuka dimbani Uwanja wa CCM Kirumba jijini Mwanza kuwavaa wenyeji wao, Pamba Jiji.

Mkakati wa Fikiri Elias Kuelekea Mchezo wa Pamba Jiji

Akizungumza na Mwanaspoti, Kocha Fikiri amebainisha kuwa kwa sasa nguvu zake zote amezihamishia katika maeneo mawili muhimu: kuimarisha safu ya ulinzi ili kutoruhusu mabao mepesi na kuongeza umakini katika safu ya ushambuliaji.

Amesema kuruhusu mabao 15 katika michezo 11 iliyopita ni takwimu zisizoridhisha, hivyo anataka mabadiliko hayo yaanze kuonekana rasmi kwenye mchezo wa Coastal Union vs Pamba Jiji kwa kuondoka na ushindi bila wavu wao kuguswa (clean sheet).

“Tunaendelea na mazoezi tukifahamu ugumu wa mechi inayofuata. Siangalii tu kasi ya ufungaji mabao kusuasua bali natazama pia kutoruhusu mabao, kwani kwa mechi kadhaa tumefungwa mno,” amesema Fikiri Elias.

Kikosi hicho kinaendelea kujifua kikamilifu kikiamini kuwa maandalizi wanayoyafanya yatawapa matokeo chanya ugenini jijini Mwanza.

Swedy Mkwabi Arudi Upya Simba SC! Achukua Fomu ya Uenyekiti Kimyakimya Bila Mbwebwe Lazio Yawazidi Inter na Roma Pointi Kule Serie A