Baada ya misimu kadhaa nyuma kugomea nembo ya mdhamini mkuu wa Ligi Kuu Bara ambaye ni Vodacom, uongozi wa Yanga umesema hauwezi kusema lolote hivi sasa kuhusiana na suala la logo.
Ikumbukwe Vodacom wanatumia nembo yenye rangi nyekundu kwenye logo yao ambayyo ilizua tafrani kwa Yanga kuzigomea misimu kadhaa iliyopita.
Vodacom wamerejea tena msimu huu na mawazo ya mashabiki na wadau wa soka ni kuhusiana na logo hiyo nyekundu kama wataivaa tena.
Licha ya kila mtu kuwaza lake, Yanga wenyewe wamegoma kuzungumzia suala hilo kwa sasa labda mpaka hapo baadaye.
Kwa mujibu wa Mratibu wa klabu hiyo, Hafidh Saleh, amesema si muda mwafaka kuliseme suala hilo kwa sasa.
“Mimi siwezi kulizungumza suala hilo hivi sasa.
“Kila mtu amekuwa akiuliza swali hilo, siwezi kulizungumzia.”
