PARIS Saint-Germain (PSG) itamkosa mshambuliaji wake raia wa Brazil, Neymar Jr kwenye mchezo wa Ligue 1 utakaochezwa leo dhidi ya Nantes kutokana na majeruhi.
Neymar alicheza dakika 90 kwenye mchezo wao uliopita dhidi ya Montpellier ambao walikubali kichapo cha mabao 5-0.
Kwa sasa PSG ipo nafasi ya kwanza kwenye msimamo wa Ligue 1 ikiwa imecheza jumla ya mechi 22 ina pointi 55.
Mpinzani wake Nantes ipo nafasi ya tisa ikiwa na pointi 32 imecheza pia mechi 22.
