KIUNGO wa Simba, Clatous Chama akaamkia kulia kisha Kocha Mkuu, Sven Vandenbroeck akampanga atokee upande wa kushoto hapo utajua uzuri na ubaya wa Simba.
Chama amesema kuwa upande ambao anapenda kucheza upande wa kushoto kwa kuwa ni sehemu ambayo anapenda kucheza muda wote.
Akiwa ndani ya uwanja akipoa kwa dakika mbili, Simba inapoa kwa muda wa dakika tano na akibanwa kabisa basi hapo kuna yale makali ya Simba hayataonekana.
Bado ana kazi kubwa ya kuthibitisha ubora wake kwenye dabi dhidi ya Yanga kwani mbele ya Azam FC huwa anachezea mpira namna anavyotaka na kuifanya timu icheze mpira wa pasi nyingi.
Clatous Chama ndani ya Ligi Kuu Bara kwa sasa ni namba moja kwenye kutengeneza mipira ya mwisho ambapo ametengeneza pasi nane.
Simba ikiwa imefunga mabao 69 yeye ana mabao mawili ndani ya Ligi Kuu Bara na bao lake jingine alifunga jana Julai Mosi mbele ya Azam FC, Uwanja wa Taifa.
Simba inakwenda kukutana na Yanga kwenye hatua ya nusu fainali ikiwa utakuwa ni mchezo wa wazi tutashuhudia ufundi mwingi licha ya kwamba dabi ya Yanga na Simba huwa haitazami nani ana kikosi bora bali dakika 90 hushikilia matokeo ya mchezo mzima.
