YANGA YAJIVUNIA KOMBE LA MAPINDUZI, KUONGOZA LIGI

UONGOZI wa klabu ya Yanga umesema unajivunia mafanikio makubwa waliyoyapata msimu huu kwa kutwaa taji la kombe la Mapinduzi, pamoja na kuongoza msimamo wa Ligi Kuu Bara mpaka sasa.

Yanga mpaka sasa ndiyo timu pekee ambayo haijapoteza mchezo kwenye ligi, ambapo wamejikusanyia pointi 44 baada ya kucheza michezo 18,  wakishinda mechi 13 na kutoa sare michezo mitano pekee.

Akizungumzia mipango na mafanikio yao msimu huu Mkurugenzi wa uwekezaji wa GSM na mjumbe wa kamati ya usajili ya Yanga, Injinia, Hersi Said amesema: “Tumefanya uwekezaji mkubwa ndani ya kikosi chetu msimu huu, na sisi sote tunakubaliana kwamba tayari matunda yameanza kuonekana kupitia ubingwa wa mapinduzi na mwenendo mzuri kwenye ligi.

“Tunashukuru Mungu katika hilo na wakati huu tumebaki na lengo moja tu la kuhakikisha tunaibuka mabingwa msimu huu.