FISTON ATAMBA YANGA KUMALIZA SARE MFULULIZO

  MSHAMBULIAJI wa klabu ya Yanga, FISTON Abdoul Razack, ametamba kuwa anaamini kikosi chake kitafanya vizuri katika michezo iliyo mbele yao na kumaliza tatizo la matokeo ya sare mfululizo.

Nyota huyo alisajiliwa na kikosi cha Yanga katika kipindi cha dirisha dogo, ambapo mpaka sasa ameichezea Yanga michezo miwili akiwa bado hajafunga bao lolote. 

Akizungumzia malengo yao Fiston amesema:”Kila mmoja amesikitishwa na matokeo tuliyopata katika mchezo uliopita dhidi ya Mbeya City, na tumedhamiria kuhakikisha tunafanya vizuri zaidi katika michezo yetu ijayo kwa kuwa malengo yetu ni kutwaa ubingwa,”

Yanga kesho inatarajiwa kushuka dimbani kucheza dhidi ya Kagera Sugar, ambapo matokeo ya mchezo wa mzunguko wa kwanza Yanga ilishinda kwa bao 1-0.