Mshambuliaji wa zamani wa klabu ya Everton raia wa Nigeria Victor Anichebe, amesema klabu ya Everton imfute kazi kocha mkuu wa klabu hiyo Frank Lampard baada ya timu hiyo kufungwa mabao 3-2 na Burnley jana Usiku.
Baada ya mchezo huo kumalizika kupitia mtandao wake wa kijamii wa instagram Anichebe alitoa mtazamo wake akitaka mabadilo yafanye na kocha wa zamani wa klabu hiyo Sam Allardyce apewe kazi ya kukinoa kikosi hicho ili kuiepusha timu kushuka daraja.
Wachezaji sio bora sana lakini hata kocha Frank Lampard pia. Nina mpenda kama mchezaji wa daraja la juu kuwahi kumuona. Kwa asilimia 100% Everton itashuka daraja kama haitafanya mabadiliko.” Ameandika Anichebe
Kipigo hicho cha mabao 3-2 ni cha 7 kwa kocha Lampard kwenye michezo 9 ya Ligi Kuu England. Na The Toffees wamesalie nafasi ya 17 ikiwa na alama 25 ikiwa ni tofauti ya alama 1 dhidi ya Burnley waliopo kwenye mstali wa kushuka daraja wakiwa nafasi ya 18 na alama 24.
Victor Anichebe aliichezea Everton kati ya mwaka 2003 akianza kama mchezaji kinda mpaka 2014 ambapo aliichezea klabu hiyo jumla ya michezo 168 kwenye michuano yote na aliifungia The Toffees mabao 26.
