KOCHA mpya wa Manchester United, Erik ten Hag ameweka wazi tarehe ya kuanza kwa maandalizi ya msimu mpya 2022-2023 katika mahojiano yake maalumu kwa mara ya kwanza tangu alipotua.
Katika mahojiano hayo kupitia tovuti maalumu ya Manchester United na vyombo vya habari vyake, Ten Hag amesema kuelekea mechi za Kimataifa ambazo zitachezwa mwezi ujao, wachezaji ambao hawatajumuishwa na timu zao za taifa wanapaswa kurudi Juni 27.
Tarehe ya maandalizi ya msimu ya Manchester United imeshagtangazwa, ambapo mechi ya kwanza kuelekea maandalizi hao itacheza Julai 12, jijini Bangkok dhidi ya Liverpool kabla ya Crystal Palace ambao utapigwa jijini Melbourne, Australia, Julai 15 na 19.
Ziara ya Manchester United nchini Australia itajumuisha mechi nyingine dhidi ya Aston Villa utakaochezwa jijini Perth Julai 23 zikia zimebaki wiki kadhaa Ligi Kuu England kuanza.
“Kwanza vijana watapata muda wa kupumzika, baada ya hapo maandalizi ya msimu yataanza Julai 27, nadhani nitabaki na wachezaji wachache wataripoti kambini, sio wachezaji wote watakaorudi, kuna baadhi ya wachezaji watacheza mechi za Kimataifa na watakua na mapumziko marefu tofauti na wengine,” alisema Ten Hag.
Wakati huo huo klabu ya Manchester United imethibitisha imewateua Steve MClaren na Mitchell van der Gaag kuwa makocha wasaidizi wa Ten Hag ambao watafanya kazi na Mholanzi huyo msimu mpya utakapoanza.
