ALICHOSEMA MGUNDA BAADA YA ‘KUITIFUA’ GEITA GOLI 5….KAGERA SUGAR KAZI MNAYO AISEE….

Licha ya kufanikiwa kuibuka na ushindi mnono wa mabao 5-0 kocha Juma Mgunda ameisifu Geita Gold na kusema ni timu nzuri na imewapa ushindani mkubwa.

Mgunda amesema mpira ni mchezo wa makosa ambapo Geita Gold waliyofanya na wao kukayatumia vizuri kupata ushindi mnono.

Mgunda ameongeza kuwa tangu wanatoka Dar es Salaam kwenda Mwanza walikuwa wanajua wanaenda kukutana na timu imara na walijipanga kuwakabili.

“Kupata ushindi mabao matano haimaanishi Geita ni timu mbovu, bali mpira ni mchezo wa makosa wameyafanya tumeyatumia vizuri.

“Jambo jema tumepata alama tatu ugenini tunajipanga kwa mchezo ujao wa ligi dhidi ya Kagera Sugar,” amesema Mgunda.