YANGA YAINGILIA KATI USAJILI WA PHILIPPE KINZUMBI…INSHU IKO HIVI

MABOSI wa Yanga wameingilia kati dili la mchezaji wa TP Mazembe Philippe Kinzumbi ambaye Waarabu walitega mtego ili kumnasa.

licha ya kuwepo kwa tetesi kiungo mshambuliaji wa TP Mazembe, Phillippe Kinzumbi ametua Raja Casablanca, Yanga imemkomalia baada ya kujiridhisha hajasaini kokote sasa inateta na mabosi wa Mazembe walainishe mambo na waliahidi kuwapa pesa na Kennedy Musonda.

Mchezaji huyo ilisemekana atatua jangwani na tayari kila kitu kimekamilika, ilifikia hatua hadi Kinzumbi aliposti picha akiwa amevaa jezi ya Yanga hali hiyo ilikoleza mzuka kwa mashabiki wa Yanga.

Raja Casablanca ni mabingwa wa Ligi kuu ya Morocco na msimu ujao watacheza Ligi ya Mabingwa Afrika, hivyo wameanza kuimarisha kikosi chao kwa aajili ya mashindano ya ndani na ya kimataifa.

Hata hivyo kwa jinsi hali ilivyo uwezekano ni mdogo sana kwa Philipe Kinzumbi kukipiga mitaa ya jangwani, hii ni kutokana na nguvu kubwa inayoweka na mabosi wa Raja Casablanca.

Msimu ujao pia Yanga watacheza Ligi ya Mabingwa Afrika, kitu ambacho ni moja ya kipaumbele kikubwa kwa wachezaji wa kimataifa.

Pia dili  lao la kubadilishana wachezaji huenda likawavutia zaidi TP  Mazembe ambao  wakimpata Kennedy Musonda pamoja na pesa kiasi kutoka Yanga, inawezekana wakamuachia nyota wao akipigie Yanga, hii pia itaongeza uhusiano wa kibiashara ambao umeanza kutengenezwa na mabosi wa timu hizi mbili.