YANGA YAFANYA BALAA…6 SIMBA MMOJA TU

YANGA BABA LAO. HATIMAYE usiku wa tuzo za Ligi Kuu Bara kwa msimu wa 2023/24 umegota mwisho na kila kitu kuwa wazi nani amekuwa nani baada ya tuzo hizo kufanyika Jana usiku kwenye Ukumbi wa The Super Dome, Masaki.

Lakini moja ya Klabu iliyofanya poa sana kwenye tuzo hizo, ni timu ya Yanga ambayo imetoa wachezaji 6 kwenye kikosi bora cha Msimu wa 2023/24.

Kwenye kikosi bora cha msimu nyota wa Yanga inayonolewa na Kocha Mkuu, Miguel Gamondi wametawala kila kona huku kwa upande wa Simba ambao ni watani zao wa jadi mchezaji mmoja pekee akipenya kwenye kikosi cha kwanza.

Hiki hapa kikosi bora kipo namna hii:-
Ley Matampi wa Coastal Union
Yao Kouassi wa Yanga.

Mohamed Hussen wa Simba

Ibrahim Hamad wa Yanga

Dickson Job wa Yanga

Mudathir Yahya wa Yanga

Kipre Junior wa Azam FC

Maxi Nzengeli wa Yanga

Wazir Junior wa KMC
Feisal Salum wa Azam FC

Aziz Ki wa Yanga

AZIZ KI BABA LAO.

Kiungo mshambuliaji wa Yanga Sc, Stephanie Aziz Ki ameshinda tuzo ya mchezaji bora (MVP) wa Ligi Kuu ya NBC Tanzania bara msimu wa 2023/24.

Aziz Ki ametwaa tuzo nne ambazo ni tuzo ya MVP, Kiungo bora wa Ligi Kuu, mfungaji bora wa Ligi Kuu na Tuzo ya Kikosi bora cha msimu.

Pia Aziz Ki ameshinda tuzo ya kiungo bora wa Ligi Kuu bara msimu wa 2023-24 akiwashinda Kipre Junior wa Azam Fc na Feisal Salum ‘Feitoto’ wa Azam Fc.