KOCHA Mkuu wa Simba, Fadlu David amesema mchezo wa kesho (leo) wa Ligi Kuu Tanzania Bara dhidi ya Coastal Union, utakaopigwa katika uwanja wa KMC Complex, uliopo Mwenge utakuwa mgumu.
Amesema amewatazama wapinzani wao katika mechi zo walizocheza siku za karibuni wamekuwa wakibadilika kiuchezaji na kushambulia kwa kasi kitu ambacho watachukuwa tahadhari.
“Ninatarajia kuwepo kwa mabadiliko kadhaa ya wachezaji kutokana na ratiba kuwa ngumu tumecheza mechi tatu ndani ya wiki moja, siwezi kusema nitampanga mchezaji gani au nani hatakuwepo kesho kwa kuwa tunatengeneza uwiano wa wachezaji.
Kuelekea Desemba ratiba itakuwa ngumu zaidi malengo yetu ni kushinda kila mchezo hauwezi kuwa bingwa kwa kushinda mechi nne, tunatakiwa kuendelea kukudanya pointi na tunaweza kuzuia vizuri,” amesema Kocha Fadlu.
Nahodha wa Simba, Mohammed Hussein `Zimbwe Jr`, amesema kwa upande wao wapo tayari kufuata maelekezo watayopewa kusaidia timu kupata ushindi.
“Wachezaji tupo tayari , tunaiheshimu Coastal kutokana na ubora wao lengo letu ni kuhakikisha tunashinda tukiwa nyumbani na kuwapa furaha mashabiki wetu,” amesema Zimbwe Jr
 wa Ligi Kuu Tanzania Bara dhidi ya....){kind=link}