DAKIKA TATU ZAMUUMIZA BARAZA

KOCHA wa Pamba Jiji, Francis Baraza, ameonyesha kuumizwa na matokeo ya mchezo dhidi ya Azam baada ya kikosi chake kupoteza umakini katika dakika tatu za mwisho zilizokwenda kuamua mshindi.

Pamba Jiji mara ya mwisho ilishinda mechi Februari 10 mwaka huu dhidi ya Namungo, huku ikiweka rekodi mbaya kwa kupoteza mechi tisa mfululizo ambapo kati ya hizo sare ni tatu.

Matokeo hayo yanaifanya Pamba kutokuwa na mwendo mzuri kwani katika mechi tisa zilizopita, imeshinda moja pekee, sare nne sawa na ilizopoteza nne. Inashika nafasi ya nane kwenye msimamo ikiwa imecheza mechi 23, ikikusanya pointi 30.Akizungumza na Soka la Bongo, Baraza amesema wachezaji walikuwa wameucheza vizuri mchezo huo kwa muda mkubwa huku wakifanikiwa kuwadhibiti wapinzani wao katika maeneo mengi muhimu ya uwanja.Alieleza walikuwa na nafasi nzuri ya kupata matokeo mazuri kutokana na namna walivyokuwa wameikamata mechi, lakini walishindwa kutumia nafasi walizozitengeneza mbele ya lango.“Tumepoteza mchezo kwenye dakika tatu za mwisho kwa sababu ya kushuka kwa umakini, jambo ambalo limetuumiza sana na kutufanya kuendelea kuangusha pointi.“Tulitakiwa kutumia nafasi tulizopata mapema na pia kuwabana Azam zaidi dakika za mwisho ili wasipate nafasi ya kutuumiza,” amesema Baraza na kuongeza.“Tuliikamata vizuri mechi na tulikuwa kwenye nafasi nzuri ya kupata matokeo mazuri, lakini mwisho wa siku makosa madogo yakatuangusha.”

Kocha huyo amesema tayari wameanza kujadili makosa yote yaliyojitokeza ili kuhakikisha hayajirudii katika michezo ijayo ya ligi.

“Tumepata somo kubwa kutokana na mchezo huu, sasa tunarudi kujipanga kwa mechi zinazofuata ili kurejea kwenye matokeo mazuri,” amesema.

Kocha huyo amesema changamoto kubwa iliyowaangusha ni kushuka kwa umakini mwishoni mwa mchezo jambo lililoipa Azam nafasi ya kugeuza hali ya mchezo.

Baraza amesema walitakiwa kuwa na utulivu zaidi katika dakika za mwisho pamoja na kuhakikisha wanawabana wapinzani wao ili wasipate nafasi za kucheza kwa uhuru.

“Tumepata somo kubwa kutokana na mchezo huu, sasa tunarudi kujipanga kwa mechi zinazofuata ili kurejea kwenye matokeo mazuri,” amesema.