SIMBA YAZINDUA JEZI MPYA 2026/27: Yatajwa Sababu ya Miaka 90 na Rangi Zake Hapa!

Klabu ya Simba imetambulisha rasmi jezi zake mpya kwa ajili ya msimu ujao wa Ligi Kuu Tanzania Bara, huku uzinduzi huo ukiwa na muonekano wa kipekee unaoadhimisha miaka 90 tangu kuanzishwa kwa klabu hiyo.

Uzinduzi huo rasmi umefanyika jana Jumamosi, Agosti Mosi, 2026, mkoani Arusha ndani ya Hifadhi ya Ngorongoro—eneo ambalo klabu hiyo ilitangaza mapema kuwa ingefanyia tukio hilo la kihistoria.

Diadora na Ujumbe wa Miaka 90

Tofauti na miaka iliyopita, mashabiki wa Simba wameonekana kuipokea jezi hiyo kwa furaha na hamasa kubwa kutokana na ubora wa ubunifu uliofanywa na kampuni ya Diadora.

Akizungumzia uzi huo mpya, mzabuni wa jezi za Simba, Joseph Rwegasira (maarufu kama Jayrutty), ameeleza kuwa kila maelezo ya jezi hiyo yamezingatia historia na ubora wa klabu:

“Kila kitu kwenye jezi hii kimezingatia ubora. Pamoja na mambo mengine, muundo ulikuwa chini ya Diadora lakini tumeshirikiana kwa karibu sana, hasa ukizingatia mwaka huu klabu inatimiza miaka 90 tangu kuanzishwa kwake. Tunatarajia kurudisha ufalme wetu nyikani ndiyo maana tumeenda Ngorongoro, na pia tunatarajia kurudisha ufalme uwanjani,” alisema Rwegasira.

Rangi za Jezi Mpya za Simba SC

Jezi hizo mpya zimeendelea kutumia rangi za asili za klabu hiyo zikiwa na mpangilio ufuatao:

• Nyumbani (Home Kit): Rangi Nyekundu

• Ugenini (Away Kit): Rangi Nyeupe

• Jezi ya Tatu (Third Kit): Rangi ya Buluu (Blue)

Katika utambulisho huo rasmi, beki mahiri wa timu hiyo, Rushine de Reuck, alikuwa miongoni mwa wachezaji waliotumika kuonyesha jezi hizo mpya.

Simba SC inakuwa timu ya kwanza nchini kutambulisha jezi zake za msimu ujao, huku mashabiki wa soka nchini wakisubiri kwa hamu kuona majibu kutoka kwa watani zao, Yanga SC.