DAR ES SALAAM — Zikiwa zimesalia siku chache kabla ya pambano kukatwa utepe, Meneja wa Habari na Mawasiliano wa Yanga, Ali Kamwe, amewaachia watani wao wa jadi, Simba SC, kitendawili kizito kuelekea mchezo wa Kariakoo Derby.

Kamwe ametaja majina ya wachezaji wenye uwezo wa kuziba pengo la kiungo mshambuliaji hatari, Stephane Aziz Ki, ambaye yuko hatarini kukosa pambano hilo la kukata na shoka.

Yanga Yagomea Rufaa ya Aziz Ki

Akiweka kando uvumi unaosambaa, Ali Kamwe amekanusha taarifa kuwa Yanga imewasilisha rufaa Bodi ya Ligi Tanzania (TPLB) kupinga adhabu ya kadi nyekundu aliyoonyeshwa Aziz Ki katika mchezo dhidi ya Geita Gold FC.

Ikiwa adhabu hiyo itasimamia msimamo wake, nyota huyo wa kimataifa kutoka Burkina Faso hatakuwa sehemu ya kikosi cha Yanga kitakachoshuka dimbani Oktoba 10, 2026, huku Simba wakiwa wenyeji wa mchezo huo.

“Katika kipindi cha miaka 10 iliyopita, hakuna mchezaji mkubwa kwenye Kariakoo Derby kumzidi Stephane Aziz Ki. Ni jina kubwa sana. Sisi hatujakataa hiyo kadi kama inavyosemwa, lakini Wana-Yanga wasiwe na presha kabisa. Tayari mbadala wake kwenye Kariakoo Derby ni Eric Magician,” alisema Kamwe.

Mwijage na Kangwanda Kuwa Silaha Mpya

Kamwe ametoa onyo kali kwa safu ya ulinzi ya Simba akiamini kuwa Eric Mwijage na Albert Kangwanda wana uwezo mkubwa wa kuamua mchezo huo na kutimiza majukumu yote kwa ufanisi wa hali ya juu.

• “Wanasema hataweza kitu nani? Sasa wao ndiyo wajiulize wataweza kumkaba Pedro wa mtoto? Hiyo siku wajiandae vizuri,” aliongeza Kamwe kwa kujiamini.

Kwa kauli hii ya Ali Kamwe, hamasa na joto la Kariakoo Derby limeanza kupanda mapema mno. Swali kubwa linalobaki kwa mashabiki wa soka nchini ni je, mbinu hizi za Yanga zitafanikiwa kuziba pengo la Aziz Ki na kuondoka na ushindi mbele ya Simba?