Zari Hassan Afichua Umri Wake Halisi: “Sina Sababu ya Kudanganya”

Mfanyabiashara na mwanamitindo mashuhuri, Zari Hassan ‘The Boss Lady’, ameamua kukata mzizi wa fitina na kufichua umri wa Zari Hassan kuwa ni miaka 46, akisisitiza kuwa alizaliwa rasmi mwaka 1980.

Suala la umri wa mwanadada huyo limekuwa gumzo kubwa kwenye mitandao ya kijamii kwa miaka kadhaa. Akizungumza hivi karibuni baada ya kutimiza miaka hiyo Septemba 23, Zari ameeleza kuwa mkanganyiko huo ulitokana na changamoto ya upatikanaji wa vyeti vyake vya kuzaliwa nchini Uganda.

“Nimezaliwa mwaka 1980. Kliniki niliyozaliwa ilikuwa imefungwa, hivyo ililazimu niende Kampala kutafuta nyaraka zangu, lakini hawakunipata kwenye mfumo kwa wakati,” alieleza Zari.

“Sina Sababu ya Kuficha Umri Wangu”

Kauli hii ya Zari imekuja baada ya baadhi ya mashabiki na wakosoaji kuhoji umri wake wakilinganisha na umri wa watoto wake ambao tayari ni wakubwa. Zari alifafanua kuwa alipata watoto akiwa bado mdogo sana, hivyo kukua pamoja nao si sababu ya yeye kudanganya umri.

“Jamani, sina sababu ya kusema uongo kuhusu umri wangu kwa sababu tu nina watoto wakubwa. Nilipata watoto nilipokuwa mdogo, na nimekuwa nikikua pamoja nao,” aliongeza.

Mjadala wa Umri Wa Zari Kupitia Miaka

Mjadala kuhusu umri wa Zari si mgeni machoni pa umma:

• Mwaka 2018: Wakati akiwa kwenye uhusiano na mwanamuziki Diamond Platnumz, Zari alieleza alikuwa akitimiza miaka 38, jambo lililoendana na mwaka wa kuzaliwa wa 1980.

• Mwaka 2019: Picha ya hati ya kusafiria (Passport) ilisambaa mtandaoni ikionyesha alizaliwa mwaka 1978, lakini Zari alikanusha vikali taarifa hizo na kusisitiza mwaka wake ni 1980.

• Mwaka 2023: Mjadala huo uliibuka tena baada ya taarifa nyingine kusambaa, ambapo Zari alirudia msimamo wake kuwa familia, ndugu, na waliosoma naye wanajua alizaliwa mwaka 1980.

Sasa, Zari anasisitiza kuwa hana matatizo yoyote na umri wake wa miaka 46 na hana haja ya kuuficha kwani anajivunia maisha na mafanikio yake.

Familia na Maisha ya Mahusiano

Kwa upande wa familia, Zari ni mama wa watoto watano:

• Watoto watatu alizaana na marehemu Ivan Ssemwanga.

• Watoto wawili (Princess Tiffah na Prince Nillan) alipata kwenye uhusiano wake wa zamani na Diamond Platnumz.

Baada ya kuachana na Diamond mwaka 2018, Zari aliendelea na maisha yake na baadaye kufunga ndoa na Shakib Cham Lutaaya mwaka 2023. Shakib akiwa tayari ana watoto wawili wa kume, wanandoa hao kwa pamoja sasa wanalea familia yenye jumla ya watoto saba.