CV YA KOCHA MPYA WA VIUNGO YANGA HII HAPA

JAWAB Sabri kocha mpya wa viungo ndani ya Klabu ya Yanga ambaye ametambulishwa rasmi jana Aprili 22 inaonyesha kwamba ana uzoefu wa kufanya kazi na timu mbalimbali za Afrika.

Raia huyo wa Morocco anauwezo wa kuongea lugha tatu ikiwa ni pamoja na Kiingereza, Kiarabu na Kifaransa jambo ambalo litarahisisha mawasiliano na wachezaji wa kikosi hicho ambacho kinapambana kusaka taji la Ligi Kuu Bara.

Miongoni mwa timu ambazo amefanya nazo kazi ni pamoja na Klabu ya Raja Casablanca ilikuwa ni msimu wa 2019 ambapo aliweza kufanikisha pia timu hiyo kutwaa taji la Morocco.

Pia amewahi kuwa mkuu wa kitengo cha viungo katika kituo cha Royal Moroccan Football Federation ilikuwa ni kuanzia Septemba, 2016- 2019.