Nathan Chilambo Atua Simba SC Kuimarisha Beki Ya Kulia

SIMBA SC imeendelea kutuma ishara nzito kwa wapinzani wao kuelekea msimu mpya wa 2026/27 baada ya kukamilisha na kumtambulisha rasmi beki wa kulia, Nathan Chilambo.

Usajili huu unatajwa kuwa sehemu ya mkakati wa benchi la ufundi la Wekundu wa Msimbazi wa kuongeza kina na ushindani wa namba kwenye kikosi hicho. Chilambo anakuja kuungana na mabeki wengine mahiri wa kulia, Shomari Kapombe na David Duchu, jambo linalompa kocha wigo mpana wa kuchagua mchezaji wa kutumia kulingana na mbinu na mpinzani wanayekutana naye.

Akiwa na kibarua cha kushiriki zaidi ya mashindano manne msimu huu, Simba imelenga kuhakikisha kila nafasi inakuwa na wachezaji wanaoaminika ili kuepuka athari za uchovu au majeraha.

Ushindani wa namba kati ya Chilambo, Kapombe na Duchu unatarajiwa kuongeza chachu ya kiwango bora uwanjani, huku uongozi wa Simba ukionyesha dhamira ya dhati ya kujenga kikosi imara kitakachopambania mataji yote msimu huu.