Simba Yachapwa Tena Afrika Kusini: Sekhukhune Yamfundisha Mwalimu Somo!

Klabu ya Simba SC imeendelea kupata matokeo yasiyoridhisha katika michezo yake ya kirafiki nchini Afrika Kusini baada ya kukubali kichapo cha mabao 2-1 dhidi ya Sekhukhune United, katika mchezo uliopigwa mapema leo jijini Johannesburg.

Huu ni mchezo wa pili mfululizo kwa Wekundu wa Msimbazi kupoteza wakiwa kambini, ikifuatia kichapo cha bao 1-0 walichokipata mapema wiki hii kutoka kwa Polokwane City.

Maandalizi ya Mashindano Makubwa Simba ipo nchini Afrika Kusini ikijiweka sawa kwa ajili ya msimu mpya wa mashindano mbalimbali, ikiwemo:

• Ligi ya Mabingwa Barani Afrika (CAF Champions League)

• Ligi Kuu ya NBC (NBC Premier League)

Kibarua Kitachofuata: Derby ya Kariakoo Baada ya mfululizo wa mechi hizi za kujipima nguvu, Mwalimu mkuu na benchi lake la ufundi wana kazi kubwa ya kufanya kabla ya kurejea nyumbani. Simba inakabiliwa na mchezo mkubwa wa watani wa jadi dhidi ya Yanga SC utakaopigwa Oktoba 10, 2026, kwenye Uwanja wa Uhuru, Dar es Salaam.