Yanga Yainyoosha JKT Tanzania Gymkhana, Mzize na Toure Wapeleka Onyo Zito Simba!
Dar es Salaam. Klabu ya Yanga SC imeendelea kuweka mambo sawa kuelekea kalenda ngumu ya mwezi Oktoba baada ya kuibuka na ushindi wa mabao 2-1 dhidi ya JKT Tanzania, katika mchezo wa kirafiki uliopigwa leo kwenye Viwanja vya Gymkhana, Dar es Salaam.
Mchezo huo ulikuwa sehemu ya maandalizi ya kikosi hicho kuelekea mechi za Ligi Kuu Tanzania Bara (NBC Premier League), huku nguvu na akili nyingi zikiwekwa kwenye pambano lililosubiriwa kwa hamu la Dabi ya Kariakoo dhidi ya watani wao wa jadi, Simba SC, linalotarajiwa kupigwa Jumamosi ya Oktoba 10, 2026.
Mzize na Touré Wawasha Moto
Yanga ilianza mchezo huo kwa kasi ya ajabu na kufanikiwa kupata bao la kuongoza mapema kupitia kwa mshambuliaji wao kijana, Clement Mzize, aliyefungua ukurasa wa mabao na kuifanya timu hiyo kutawala kipindi cha kwanza.
Hata hivyo, JKT Tanzania haikukubali kuondoka mchezon raisi; ilipambana na kufanikiwa kupata bao la kusawazisha, hatua iliyoongeza ushindani na msisimko mkubwa uwanjani.
Ikiwa inatafuta ushindi kwa udi na uvumba, Yanga ilizidisha mashambulizi kuelekea lango la wapinzani wao. Juhudi hizo zilizaa matunda baada ya mshambuliaji Cheikh Touré kupachika bao la pili na la ushindi, lililoifanya Yanga kumaliza pambano hilo ikiwa kifua mbele kwa ushindi wa mabao 2-1.
Benchi la Ufundi Ladhihirisha Utayari
Ushindi huu umetoa picha nzuri kwa benchi la ufundi la Yanga katika kufanya tathmini ya mwisho ya kikosi chao, kabla ya kuingia kwenye vita kubwa ya Dabi ya Kariakoo. Pambano hilo dhidi ya Simba linatajwa kuwa kipimo halisi cha safari ya mabingwa hao watetezi katika kutetea taji lao msimu huu.
