ISHU YA MEDDIE KAGERE NA KOCHA MKUU SIMBA IMEKAA HIVI

Imekuwa ikielezwa kuwa Sven na Kagere hawaivi chungu kimoja jambo ambalo lilikuwa likimfanya amsotesha benchi nyota huyo ndani ya kikosi cha Simba.

Tayari kwa sasa ameanza kumtumia nyota huyo ambaye ametupia jumla ya mabao saba ndani ya Ligi Kuu Bara kwa msimu wa 2020/21.

Jana, Uwanja wa Mkapa wakati Simba ikishinda mabao 4-0 dhidi ya Ihefu FC alitupia mabao mawili na kutimiza majukumu yake ndani ya uwanja.

Sven amesema:”Sijui haya aneno huwa yanatoka wapi ila ninachojua mimi ni kwamba kila mchezaji ndani ya kikosi cha Simba ni muhimu na wote ninafanya nao mazungumzo.

“Wachezaji wangu kwa asilimia kubwa wanapambana na sitaki kuona kwamba wanakuwa wanakosolewa kwa namna yoyote ile. Lawama zao zote lazima zije kwangu na isiwe kwao.

“Sina ugomvi na mchezaji na siwezi kumhukumu kwa masuala ya nje ya uwanja mimi ninachohitaji ni kuona kwamba kila mmoja anatimiza majukumu ndani ya uwanja,” .