Thank You Willy Onana…Wenye Amapiano Yao Wanamtaka

INAELEZWA kwamba moja ya majina ambayo muda wowote kuanzia sasa, yatapewa mkono wa kwaheri katika klabu ya Simba SC, ni jina la Winga mwenye udambwi udambwi mwingi mguuni, Willy Essomba Onana.

Moja ya klabu inayomuhitaji zaidi nyota huyo wa Raia wa Cameoon ni klabu ya Supersport United ya Afrika Kusini  ambao wanataka kumchukua kwa ajili ya msimu ujao.

Taarifa kutoka ndani ya Simba zinasema kwamba nyota huyo raia wa Cameroon yuko tayari kuondoka katika timu hiyo baada tu ya msimu huu kumalizika licha ya kubakisha mkataba wake wa mwaka mmoja na kikosi hicho unaoisha mwakani.

Mmoja wa kiongozi wa Simba ambaye hakutaka kutajwa jina lake alifichua dau ambalo Simba imepewa kutoka kwa timu hiyo ya Afrika ya kusini.

“Timu hiyo ya Supersport United imefanya mawasiliano ya kumuhitaji nyota huyo huku wakiweka kiasi cha R 2 milioni ambazo ni sawa na Sh 280 milioni.”

Willy Essomba Onana, amekuwa na hana kiwango kizuri zaidi, tangu ajiunge na Simba SC mwaka jana Juni 1, 2023, amekuwa na ingia toka kwenye kikosi hicho.

Usajili  wake uligonga vichwa vingi vya habari hapa Tanzania,  baada tu ya kutua akitokea Rwanda katika  klabu ya Rayon Sports, ambapo huko alikuwa mchezaji bora wa Ligi hiyo.

Mechi  yake ya kwanza ilikuwa ni kwenye tamasha la Simba Day,   alifunga bonge moja la goli, na kupeleka matumaini kwa mshabiki wa Simba, lakini baada ya hapo akawa na ingia toka, kwenye kikosi hicho.