FADLU HANA PRESHA NA JESHI LAKE…TSHABALALA NA CHE MALONE WAWATULIZA MASHABIKI

KOCHA Mkuu wa Simba, Fadlu Davids na baadhi ya wachezaji wa timu hiyo akiwemo Nahodha Mohammed Hussein na Che Malone wamesema wamejiandaa vizuri kwa mechi hiyo na hawana presha yoyote.

“Nimewaambia wachezaji, wanatakiwa kutumia nafasi, kwani ni mechi isiyotoa upenyo wa kuchezea au kupata fursa ya kufunga kirahisi.

“Lakini wenyeji wetu wana wachezaji wenye uzoefu mkubwa, hivyo ni lazima wachezaji wangu watumie kila nafasi na ikiwezekana tuanze kufunga sisi,” alisema Fadlu, huku beki wa kulia, Kelvin Kijili alisema wamefanya mazoezi ya kutosha na wanachokisubiri kwa sasa ni mechi tu.

“Mpinzani wetu yuko vizuri ila hatuna shaka na hilo kwa sababu Simba ni timu kubwa na ina wachezaji wenye uwezo.”

Nahodha wa Simba Mohammed Hussein, amesema kuwa kwa upande wa wachezaji wa timu hiyo, wote wapo tayari kwa mchezo na ari ipo juu kuwafurahisha mashabiki na wapenzi wa Simba