KIBU TENA…AFIKISHA MWAKA BILA KUFUNGA GOLI…MUKWALA APEWA UJANJA ZAIDI…

Leo ikiwa ni Novemba 5 2024 kiungo mshambuliaji wa Simba, Kibu Dennis anatimiza mwaka mmoja bila kufunga bao ndani ya Ligi Kuu Tanzania Bara.

Mara ya mwisho Kibu kufunga ilikuwa Novemba 5 2023 ubao wa Uwanja wa Mkapa ulisoma Simba 1-5 Yanga, alipachika bao hilo dakika ya 9 kwa pasi ya Ntibanzokiza.

Hali kama hii iliwahi kumtokea mshambuliaji wa Yanga, Ditram Nchimbi ambaye naye aliwahi kukamilisha mwaka mmoja bila kufunga kwenye mechi za ligi licha ya kupata nafasi ndani ya uwanja

MUKWALA APEWA USHAURI

Kocha wa zamani wa Yanga na Azam FC, Hans Pluijm amekifuatilia kikosi cha Simba na kushangazwa na namna straika mpya wa timu hiyo, Steven Mukwala alivyoanza na kasi ndogo, kisha kumpa akili mpya akisisitiza anaimani akikaa vizuri Msimbazi watashangilia mabao ya kutosha kutoka kwake.

Mukwala amefikisha mabao mawili baada ya jana Ijumaa kufunga dhidi ya Mashujaa.