BAADA YA GAMONDI KUFURUSHWA ….MOALLIN KULA SHAVU YANGA….ISHU IKO HIVI…

IMEELEZWA kuwa aliyekuwa Kocha Mkuu wa KMC FC Abdihamid Moallin anakaimu kwa muda nafasi ya Miguel Gamondi hadi hapo watakapopata kocha mkuu ambaye anatoka Afrika Kusini.

Taarifa kutoka ndani ya klabu hiyo imeeleza kuwa lengo la kumchukuwa Moallin ni kumpa majukumu ya Mkurugenzi wa Ufundi ndani ya timu hiyo akishirikiana na benchi la ufundi jipya.

“Yanga wamemalizana na Moallin kwa sasa atakaimu nafasi ya kocha mkuu baada ya Gamondi (Miguel) kusitishiwa mkataba wake, kwa muda timu itanolewa na kocha aliyetoka KMC FC, hadi tutakapotangaza benchi jipya la ufundi,” amesema.

Mtoa habari huyo anaeleza kuwa mchakato wa kupata kocha mkuu ukikamilika haraka Moallin ataendelea kusalia kwenye nafasi yake ya ukurugezi wa ufundi.

Alipotafutwa Ofisa habari wa Yanga, Ali Kamwe hakutaka kuweka wazi juu ya kuhusishwa kwa Moallin kwenda Yanga kuwa kocha mkuu au Mkurugenzi wa ufundi.

Moallin ameachana na KMC FC baada ya mazoezo ya Jumanne ya Novemba 12 aliwaaga wachezaji na wasaidizi wake kuwa hatakuwa sehemu ya timu hiyo.

Tayari KMC FC nao wameshatambulisha Alhamisi Novemba 14 wamemtambulisha Kalu Ongala kuwa kocha wa timu hiyo akichukuwa nafasi ya Moallin.