Dickson Job na Clement Mzize Kurejea Yanga SC | Afya Zao Za-Clear

Meneja wa Habari na Mawasiliano wa Yanga SC, Ali Kamwe, amethibitisha kuwa kurejea kwa beki Dickson Job na mshambuliaji Clement Mzize baada ya kukamilisha vipimo vya afya ni habari njema inayoongeza nguvu na ushindani mkubwa ndani ya kikosi hicho.

Kamwe ameeleza kuwa wachezaji hao wawili wamefanyiwa uchunguzi wa kina na idara ya madaktari ya klabu na matokeo kuonyesha kuwa wamepona vizuri. Hatua hiyo inawapa fursa ya kuanza taratibu za kurejea kwenye mazoezi ya timu baada ya kukaa nje kwa muda kutokana na majeraha.

Kwa mujibu wa Kamwe, kurejea kwa Job na Mzize kunampa kocha uwanja mpana wa kuchagua wachezaji wenye uwezo wa juu katika maeneo mbalimbali ya uwanja wakati huu Yanga ikijiandaa na mechi za msimu.

“Kurejea kwa Mzize na Job kunaongeza ushindani wa namba ndani ya kikosi. Hali hii inafanya Yanga kuwa na uchaguzi mpana wa wachezaji wenye ubora,” alisema Kamwe.

Amesisitiza kuwa ushindani huo ni faida kwa timu kwani utamlazimu kila mchezaji kuongeza kiwango ili kupata nafasi katika kikosi cha kwanza. Hata hivyo, amebainisha kuwa wachezaji hao watapaswa kufuata kwa umakini programu zote za matibabu na mazoezi kabla ya kuanza kucheza mechi za ushindani.