MZUNGUKO wa pili, Kocha Mkuu wa Yanga, Cedric Kaze mambo yalikuwa magumu kwake kutokana na kushindwa kupata matokeo chanya kwenye mechi zake 6 za Ligi Kuu Bara aliweza kushinda mechi moja.
Ndani ya dakika 540 alipokuwa akisaka pointi 18 aliambulia jumla ya pointi 7 na kuangusha pointi 11.
Alishinda mchezo mmoja, alipoteza mchezo mmoja na kukusanya jumla ya sare nne ambazo zilimpa pointi nne na kumfanya jumla awe na pointi 7 ndani ya uwanja katika mechi 6.
Alianza sare ya kufungana bao 1-1 dhidi ya Tanzania Prisons, Mbeya City 1-1 Yanga, Yanga 3-3 Kagera Sugar na alishinda mbele ya Mtibwa Sugar bao 1-0.
Kichapo ilikuwa mbele ya Coastal Union kwa kichapo cha mabao 2-1 na mchezo wake wa mwisho ilikuwa mbele ya Polisi Tanzania kwenye sare ya kufungana bao 1-1, Uwanja wa Sheikh Amri Abeid.
Jana Machi 7, yeye pamoja na benchi lake la ufundi wamefutwa kazi jumlajumla.
