SIMBA BAADA YA USAJILI WAITAKA ROBO FAINALI

AHMED Ally Meneja Habari na Mawasiliano wa Simba amesema kuwa, timu hiyo imesajili vizuri zaidi msimu huu hivyo malengo yao ya kutinga hatua ya robo fainali, kombe la shirikisho Afrika lazima yatimie.

“Kama kuna vita kubwa tumewahi kupigana Simba kuhusu usajili basi ni pamoja na vita kumchukua Ellie Mpanzu, tumeanza kumfuatilia tangu mwezi wa 6 mwaka huu ila tumefanikiwa kumpata mwezi huu wa 10, Nachoweza kuthibitisha kwamba hii leo Elie Mpanzu ataanza mazoezi na wachezaji wenzie pale Bunju Arena”

“Msimu huu tunalengo la kuhakikisha yale yote mazuri tulitoyafanya kwenye mashindano ya kimataifa ya kucheza robo fainali na malengo ya kwanza ni kuhakikisha Simba tunarudi kwenye robo fainali, kwakuwa tumesajili vizuri maana yake tunastahili zaidi ya robo fainali kwahiyo kuhusu fainali, nusu fainali hayo yatakuwa mafanikio ya Simba Sc ila kwasasa turudi kwenye robo fainali” Amesema Ahmed Ally.