Simba Yalala 2-1 Sekhukhune, Barker Ajitete kwa Hili…
Simba imehitimisha kambi yake ya Afrika Kusini kwa kipigo kingine baada ya kufungwa mabao 2-1 na Sekhukhune United katika mchezo wa kirafiki uliochezwa Johannesburg, lakini safari hiyo imempa Steve Barker majibu kadhaa kabla ya Dabi ya Kariakoo.
Sekhukhune ilianza kwa kasi na Chibuike Ohizu akafunga bao la kwanza dakika ya pili baada ya shambulizi la kushtukiza. Simba ilitulia kadri mchezo ulivyoendelea na Elie Mpanzu akasawazisha dakika ya 40, akiunganisha krosi ya Nickson Kibabage.
Mpanzu Afunga, Nashon Akataliwe
Kipindi cha pili kilikuwa na mashambulizi ya zamu, lakini Sekhukhune ikapata bao la pili dakika ya 74. Simba ilijaribu kusukuma mpaka mwisho na Kelvin Nashon akafunga dakika ya 87, lakini bao hilo likakataliwa baada ya mwamuzi kuona Neo Maema alikuwa amefanya madhambi kabla ya mpira kumfikia mfungaji.
Matokeo hayo yanamaanisha Simba imepoteza friendlies zake mbili kubwa za mwisho Afrika Kusini, baada ya awali kufungwa 1-0 na Polokwane City. Hata hivyo, benchi la ufundi limekuwa likisisitiza kuwa malengo makubwa ya kambi hayakuwa scoreline pekee.
Barker Ameridhishwa Na Fitness
Taarifa za leo kutoka Afrika Kusini zinaeleza Barker ameridhishwa na kiwango cha fitness na namna wachezaji wake walivyobeba maelekezo ya kiufundi. Katika kambi hiyo ametumia combinations nyingi, akabadilisha nafasi za baadhi ya wachezaji na kuwapa dakika karibu wote waliokuwa naye.
Hiyo ndiyo picha anayotaka kuja nayo Dar. Dabi ya Oktoba 10 haihitaji tu starting XI nzuri, inahitaji kikosi chenye pumzi, concentration na options za kubadilisha mchezo pale plan ya kwanza inapogoma.
Sasa Kila Kitu Ni Yanga
Simba inarejea Dar leo na kambi ya Sauzi imefungwa rasmi. Kuanzia hapa Barker hana tena friendly ya kujificha nyuma yake; kila training session itaelekea kwenye Yanga na kila decision ya kikosi itaanza kusomwa kwa jicho la Dabi.
Friendlies mbili zimeisha kwa vipigo, lakini Oktoba 10 ndiyo itasema kama kambi hiyo ilikuwa uwekezaji wenye maana au ilikuwa safari nzuri isiyoleta majibu uwanjani.
Soma Hapa: Simba Yalala 1-0 Polokwane, Bao Dakika 89 Lamvurugia Barker Hesabu Za Dabi
