UONGOZI wa Namungo umesema kuwa unawaheshimu wapinzani wao Kagera Sugar ila hakuna namna lazima waache pointi tatu Uwanja wa Majaliwa kwenye mchezo wa leo utakaochezwa Majira ya saa 10:00 jioni.
Akizungumza na Saleh Jembe, Kocha Mkuu wa Namungo FC, Hitimana Thiery amesema kuwa wanaamini mchezo utakuwa na ushindani mkubwa ila hesabu zao ni kupata pointi tatu.
“Mchezo utakuwa wa ushindani mkubwa ila tunahitaji pointi tatu ili kuzidi kuyafukuzia malengo ambayo tumejiwekea ndani ya ligi.
Kocha Mkuu wa Kagera Sugar, Mecky Maxime amesema kuwa wanahitaji ushindi na kutoa burudani kwa mashabiki wao.
Namungo ipo nafasi ya nne kwenye msimamo ikiwa na pointi 51 huku Kagera Sugar ikiwa nafasi ya tisa na pointi 41 zote zimecheza mechi 29.
