Kikosi cha Simba kimewasili salama leo mkoani Mtwara baada ya kusepa Dar es Salaam leo asubuhi kwa ndinga.
Simba ambao ni Mabingwa mara tatu mfululizo wana kibarua cha kumenyana na Ndanda Julai 5 kisha watamalizana na Namungo FC Julai 8.
Meneja wa Simba, Patrick Rweyemamu amesema kuwa ni mchezaji mmoja amebaki Dar es Salaam ambaye ni Shomari Kapombe.
Kapombe anafanyiwa uchunguzi wa jeraha lake alilopata kwenye mchezo dhidi ya Azam FC
Kwenye Kwenye mchezo wa mzunguko wa Kwanza uliochezwa Uwanja wa Taifa, Simba ilishinda mabao 2-0 hivyo wanakutana na Ndanda yenye hasira ya kulipa kisasi.
Ikiwa ipo nafasi ya Kwanza na pointi 79 mpinzani wake Ndanda FC yupo nafasi ya 17 akiwa na pointi 35.
Ugumu wa mechi unabebwa na uhitaji wa Ndanda FC ambayo ipo Kwenye hatari ya kushuka Daraja.
Ikiwa chini ya Kocha Mkuu, Meja Mstaafu, Abdul Mingange hesabu zake ni kusepa na pointi tatu ili kubaki ndani ya Ligi
Simba chini ya Kocha Mkuu, Sven Vandenbroeck haina cha kupoteza inahitaji heshima.
