KUHUSU DILI LA PACOME SIMBA…ANAYESUBIRIWA NI HUYU …AKISEMA ‘YES’ JAMBO LIMEISHA…

HATIMA ya kiungo wa Yanga, Pacome Zouzoua kwenda Simba ipo mikononi mwa kocha wa Wekundu hao wa Msimbazi, Fadlu Davids katika mapendekezo yake ya usajili wa dirisha dogo.

Hivi karibuni Meneja wa idara ya habari na mawasiliano wa Simba, Ahmed Ally Amesema licha ya kuhitaji huduma ya kiungo huyo, wao hawakurupuki bali watatuma mtaalamu kutoka benchi la ufundi anayehusika kufuatilia viwango vya wachezaji kabla ya kuwasajili.

Ikumbukwe kuwa mkataba wa Pacome upo ukingoni na yupo kwenye mazungumzo na mabosi wake wa Yanga kuhusu kuongezewa dau la usajili na mshahara.

Ahmed amesema wanaangalia kiwango cha Pacome na kikiwaridhisha watahangaika naye ila akiendelea kucheza kama alivyocheza mechi na Azam FC, watasitisha mpango wa kuvunja benki kumsajili.

Imeelezwa kuwa tayari tajiri wa Klabu hiyo, Mohammed Dewji (Mo) ameshatenga fungu kwa ajili ya usajili kwa wachezaji ambao wamependekezwa na kocha Fadlu.

“Suala la Pacome kama.alivyoeleza Ahmed yupo kwenye uchunguzi na kocha mwenye maamuzi akiridhishwa na ripoti ya mtaalam ambaye amepewa jukumu la kumfqtilia kiungo huyo na kukabidhi taarifa kwa Fadlu,” amesema.

Mtoa habari huyo amesema Mo Dewji ametoa fungu la kuhakikisha wanaendelea kuimarisha timu yao kwa kusajili baadhi wachezaji ambao kocha Fadlu amewahitaji.